ނ. ހޮޅުދޫގެ ފުޓްބޯޅަ ކުރިއެރުވުމަށް ގިނަ މަސައްކަތްތަކެއް ކުރަމުންދާ “މޫސަ އެކަޑަމީ” އިން އިންތިޒާމުކޮށްގެން އެ ރަށުގެ އަވަށްތަކަށް (ވިލީތަކަށް) ހުޅުވާލައިގެން ބާއްވާ ފުޓްސަލް މުބާރާތުގެ ހަތަރުވަނަ އެޑިޝަން ބޭއްވުމަށް ތައްޔާރުވެއްޖެއެވެ.
މޫސަ އެކަޑަމީއަކީ ނ. ހޮޅުދޫގައި ފުޓްބޯޅައިގެ ހުނަރުވެރި ކުޅުންތެރިން އުފައްދައި، ޒުވާނުންގެ މެދުގައި ކުޅިވަރުގެ ރޫހު އާލާކުރުމަށް އިސްނަގައިގެން ހަރަކާތްތެރިވާ ކާމިޔާބު އެކަޑަމީއެކެވެ. މިއަހަރުގެ މުބާރާތަކީ ވެސް ހޮޅުދޫގެ އަވަށްތަކުގެ މެދުގައި އޮންނަ ގުޅުން ބަދަހިކޮށް، ރަށު ފެންވަރުގައި ފޯރިގަދަ ކުޅިވަރު ހަރަކާތެއް ކުރިއަށް ގެންދިއުމުގެ މަގުސަދުގައި ބާއްވާ މުބާރާތެކެވެ.
މި މުބާރާތުގައި މިއަހަރު ޖުމްލަ 6 ޓީމެއް ވާދަކުރާނެއެވެ. މި ޓީމުތަކަކީ ހޮޅުދޫގެ އެކި އަވަށްތަކަށް ނިސްބަތްވާ، ހުނަރުވެރި ކުޅުންތެރިން ހިމެނޭ ޓީމުތަކެކެވެ. މޫސަ އެކަޑަމީން ބުނި ގޮތުގައި، މި މުބާރާތުގެ ސަބަބުން ރަށުގެ ޒުވާން ކުޅުންތެރިންނަށް އެކުޅުންތެރިންގެ ހުނަރު ދައްކާލުމުގެ ރަނގަޅު ފުރުސަތެއް ލިބިގެންދާނެއެވެ.
މިއީ އެ އެކަޑަމީގެ ފަރާތުން އިންތިޒާމުކޮށްގެން ބާއްވާ ހަތަރުވަނަ ފުޓްސަލް މުބާރާތެވެ. މި މުބާރާތުގެ މައިގަނޑު މަގުސަދަކީ ރޯދަމަހުގެ ހަވީރުތައް ފޯރިގަދަ ކުރުމާއި، ރަށުގެ ޒުވާނުންގެ މެދުގައި އެކުވެރިކަން އާލާކޮށް ކުޅިވަރުގެ ރޫހު ދިރުވުމެވެ.
މި ފަހަރުގެ މުބާރާތުގައި ޖުމްލަ 6 ޓީމަކުން ބައިވެރިވެފައިވެއެވެ. އެ ޓީމުތަކަކީ: ހުޅަނގު މެދު، ހުޅަނގު ދެކުނު، އިރު މެދު، އިރު ދެކުނު، އިރު އުތުރު، ފެނަކަ އަދި ހުޅަގު އުތުރު ޓީމެވެ.
މީގެއިން ކޮންމެ ޓީމަކާ ވާދަ ކުރާއިރު ފުރަތަމަ މެޗް އޮތީ 20 ފެބްރުއަރީ 2026 ވާ ހުކުރު ދުވަހު ގެ 21:15 ގައެވެ.
މޫސަ އެކަޑަމީން މައުލޫމާތު ދޭ ގޮތުގައި، މި މުބާރާތުގެ މެޗުތައް ކުރިއަށްދާނީ ހޮޅުދޫ ފުޓްސަލް ދަނޑުގައެވެ. ރަށުގެ އެކި ސަރަހައްދުތަކަށް ބަހާލައިގެން ޓީމުތައް އެކުލަވާލާފައިވާއިރު، މިއީ ރަށުގެ ގިނަ އަދަދެއްގެ ޒުވާނުންނާއި ކުޅިވަރަށް ލޯބިކުރާ ފަރާތްތަކަކުން އިންތިޒާރު ކުރަމުންދާ މުބާރާތެކެވެ.
މި މުބާރާތުގެ ސަބަބުން ރަށުގެ އިޖުތިމާއީ ބަދަހިކަން އިތުރުވެ، ރޯދަމަހުގެ ފޯރި އިތުރަށް ގަދަވެގެންދާނެ ކަމަށް ރަށުގެ ރައްޔިތުން އުއްމީދު ކުރެއެވެ.
