ޚުލާސާ:
އާންމުކޮށް ނޫކުލައިގައި ފެންނަ ސޫފިތަކުގައި ހަގީގީ ނޫކުލައިގެ “ޕިގްމަންޓް” ނުވަތަ ކުލަ ހުރުމުގެ ބަދަލުގައި، އެއީ އަލި އެޅޭގޮތުން ފެންނަ ކުލައެކެވެ. ނަމަވެސް، މި މާބުރަކީ ސައިންސްވެރިން ދާދި ފަހުން ހޯދި ގޮތުގައި، މި އުސޫލާ ޚިލާފަށް ހަގީގީ ނޫކުލަ އެކުލެވިގެންވާ މަދު ސޫފިތަކުގެ ތެރެއިން ސޫއްޕެކެވެ.
މިއީ މާބަގީޗާތަކާއި ގަސްގަހާގެއްސަށް މުހިންމު ސޫފިތަކެކެވެ. ނަމަވެސް، މިއީ މަލުން ފޮނި ބޯއިރު ވަރަށް ސިއްރުވެރި އަދި ވިސްނުންތޫނު އުކުޅެއް ބޭނުންކުރާ ސޫފިތަކެކެވެ.
މި މާބުރުތަކަކީ އާންމުކޮށް އެކަނި އުޅޭ އެއްޗިއްސަށް ވީނަމަވެސް، 2023 ވަނަ އަހަރު ކުރެވުނު ދިރާސާއަކުން ދައްކާގޮތުގައި، މި ސޫފިތަކުގެ ހަށިގަނޑުގައި ހުންނަ ބައެއް ބެކްޓީރިއާތަކަކީ ހަމައެކަނި ކޮލޯނީ ނުވަތަ ބޮޑެތި އައިން ހަދައިގެން އުޅޭ ސޫފިތަކުގައި ހުންނަ ފަދަ ޚާއްސަ އެއްޗެކެވެ.
މި މާބުރުތަކުގެ ތެރޭގައި “ރަނި” މާބުރެއް ނުވަތަ ވަކި ދަރަޖަތަކެއް ނޯވެއެވެ. އަދި ބޮޑެތި ހަތާތަކެއް ނުހަދައެވެ. ނަމަވެސް، މީގެ އިޖުތިމާއީ ދިރިއުޅުމަކީ އާންމު މާމުއި ކުޅަނދުރަށްވުރެ މާ ތަފާތު އަދި އަޖައިބުކުރުވަނިވި ކަމެކެވެ.
އާދަޔާ ޚިލާފު މާބުރެއް:
ގިނަ މާބުރުތަކަކީ ރީނދޫ އަދި ކަޅު ކުލައިގެ ކެހެރިގަނޑެއް ހުންނަ، ފަސޭހައިން ވަކިކުރަން އެނގޭ އެއްޗިއްސެވެ. ނަމަވެސް، އޭޝިއާގެ ޖަންގަލިތަކުގެ ފުންމިނުގައި އުޅޭ “ބްލޫ ކާޕެންޓާ ބީ” (ޒައިލޮކޮޕާ ކޭރުލިއާ) ފެންނަނީ މުޅިން ތަފާތު ދުނިޔެއަކުން އައިސްފައިވާ އެއްޗެއް ފަދައިންނެވެ. ގަދަ ނޫކުލައިގެ ކެހެރިގަނޑަކުން މުޅި ހަށިގަނޑު ފޮރުވިފައިވާ މި މާބުރަކީ ދުނިޔޭގައި ފެންނަ އެންމެ ރީތި އެއް ސޫތްޕެވެ.
މީގެ އުޅުމަކީވެސް އޭގެ ސިފައެކޭ އެއްފަދައިން ތަފާތު ކަމެކެވެ. ދެކުނު އަދި ދެކުނު އިރުމަތީ އޭޝިއާގެ ހޫނު ޖަންގަލިތަކުގައި އުޅޭ މި މާބުރުތަކަކީ އައިން ހަދައިގެން އުޅޭ އެއްޗިއްސެއް ނޫނެވެ. އޭގެ ބަދަލުގައި، އަންހެން މާބުރުތައް އުޅެނީ އެކުގައި ކޮޓަރި ހިއްސާކުރާ ބައެއްގެ ގޮތުގައެވެ. އެސޫފިތައް އުޅެނީ ހިކި ލަކުޑި ނުވަތަ އޮނުގަސްތަކުގައި ތޮރުފައިގެން ހަދާ ހޮރުތަކުގައެވެ. މި މާބުރުތަކަކީ ގަސްގަހާގެހި އާލާކުރުމަށް މުހިންމު ދައުރެއް އަދާކުރާ އެއްޗިއްސަށް ވިޔަސް، މަލުން ފޮނި ބޯއިރު ބައެއް ފަހަރު މަލުގެ ބުޑުން ފޫއަޅުވާލައިގެން ސިއްރުން ފޮނި ބޮއެ ހަދައެވެ.
ތަފާތު ސިފަތަކެއް:
ބްލޫ ކާޕެންޓާ ބީއަކީ އޭޝިއާގައި ފެންނަ އެންމެ ބޮޑެތި މާބުރުތަކުގެ ތެރެއިން އެކެކެވެ. މީގެ ހަށިގަނޑުގައި ގާތްގަނޑަކަށް އެއް އިންޗި ހުރެއެވެ. އޭގެ ބަނޑުފަރާތް ކަޅުކޮށް އޮފު އަރާ ގޮތަށް ހުންނައިރު، މަތީބައި ހުންނަނީ މަޑު ކެހެރިގަނޑެއް ފަދަ ނޫކުލައެއްގައެވެ. އަދި ފިޔަގަނޑު ހުންނަނީ މުށިކުލައިގެ ދެފުށް ފެންނަ ކުލައެއްގައެވެ.
މި މާބުރުތައް އާންމުކޮށް އުޅެނީ ސިންގަޕޫރު، މެލޭޝިއާ، އިންޑޮނޭޝިއާ، ތައިލެންޑް، މިއަންމާ، އިންޑިއާ އަދި ޗައިނާގެ ދެކުނު ސަރަހައްދުތަކުގެ ޖަންގަލިތަކާއި ބަގީޗާތަކުގައެވެ. ގިނަ އަދަދަކަށް މާ އަޅާ ގަސްތަކާއި ހާލި ހެދުމަށް އެކަށީގެންވާ ލަކުޑި ހުރި ކޮންމެ ތަނެއްގައިވެސް މި ރީތި މާބުރުތައް ދިރިއުޅެއެވެ.
