⏱️ ތައްޔާރުކުރުމަށް: 45–50 މިނެޓް
🍽️ ލިބޭ މިންވަރު: 4–6 މީހުންނަށް

🛒 ބޭނުންވާ ތަކެތި:

މީޓްބޯލްސް ތައްޔާރުކުރުމަށް:

● 500 ގްރާމް މުގުރި ގެރީމަސް
● ¼ ޖޯޑު ބްރެޑްކްރަމްބްސް
● ¼ ޖޯޑު ގާނާފައިވާ ޕާމީޒާން ޗީޒް
● 1 ބިސް
● 2 ލޮނުމެދު (ހިމުންކޮށް ގާނާފައި)
● 2 ސައިސަމުސާ ފްރެޝް ޕާސްލީ (ހިމުންކޮށް ކޮށާފައި)
● ½ ސައިސަމުސާ އިޓަލިއަން ސީޒަނިންގް
● ½ ސައިސަމުސާ ލޮނު
● ¼ ސައިސަމުސާ އަސޭމިރުސް
● 2 ސައިސަމުސާ އޮލިވް އޮއިލް (މަސްގަނޑު ތެލުލުމަށް)

ސޫޕް ތައްޔާރުކުރުމަށް:

● 2 ސައިސަމުސާ އޮލިވް އޮއިލް
● 1 މެދުސައިޒުގެ ފިޔާ (ކުދިކޮށް ކޮށާފައި)
● 2 ކެރެޓް (މަށައި ކުދިކޮށް ކޮށާފައި)
● 2 ސެލެރީ ދަނޑި (ކުދިކޮށް ކޮށާފައި)
● 3 ލޮނުމެދު (ހިމުންކޮށް ގާނާފައި)
● 1 ސައިސަމުސާ އިޓަލިއަން ސީޒަނިންގް
● ½ ސައިސަމުސާ ހިއްކި އޮރެގާނޯ
● ¼ ސައިސަމުސާ އަސޭމިރުސް
● 8 ޖޯޑު (ގާތްގަނޑަކަށް 2 ލީޓަރު) ބީފް ނުވަތަ ޗިކަން ބްރޮތް (ސްޓޮކް)
● 1 ޖޯޑު ކުދި ޕާސްތާ (ޑިޓަލިނީ ނުވަތަ މެކަރޯނީ)
● 2 ޖޯޑު ފްރެޝް ބޭބީ ސްޕިނެޗް
● ލޮނު (ރަހަލުމަށް)
● 1 ބޭލީފް

މައްޗަށް އެޅުމަށް:

● ¼ ޖޯޑު ގާނާފައިވާ ޕާމީޒާން ޗީޒް
● 2 ސައިސަމުސާ ފްރެޝް ޕާސްލީ (ކޮށާފައި)
● ކުޑަ އަސޭމިރުސްކޮޅެއް
● ކުޑަ އޮލިވް އޮއިލްކޮޅެއް (ބޭނުންނަމަ)

👩‍🍳 ތައްޔާރުކުރާނެ ގޮތް:

1 – މީޓްބޯލްސް ތައްޔާރުކުރުން: ބޮޑު ތަށްޓެއްގެ ތެރޭގައި މުގުރި މަސް، ބްރެޑްކްރަމްބްސް، ޕާމީޒާން ޗީޒް، ބިސް، ލޮނުމެދު، ޕާސްލީ، އިޓަލިއަން ސީޒަނިންގް، ލޮނު އަދި އަސޭމިރުސް އެއްކޮށްލާށެވެ. ހުރިހާ އެއްޗެއް ރަނގަޅަށް އެއްވުމުން، ގާތްގަނޑަކަށް 2-3 ސެންޓިމީޓަރުގެ ކުދި ބޯޅަ ހަދާށެވެ.

2 – މީޓްބޯލްސް ތެލުލުން: ބޮޑު ތެއްޔަކަށް އޮލިވް އޮއިލް އަޅައި މެދުގިނީގައި ހޫނުކުރާށެވެ. މީޓްބޯލްސްތައް އަޅައިގެން 5-7 މިނެޓް ވަންދެން ހުރިހާ ފަރާތެއް މުށިކުލަ އަރަންދެން ތެލުލާށެވެ. މި މަރުހަލާގައި މަސްގަނޑު އެއްކޮށް ކައްކާކަށް ނުޖެހޭނެއެވެ. މަސްތައް ތަށީގައި ބަހައްޓާށެވެ.

3 – ތަރުކާރީތައް ތައްޔާރުކުރުން: އެ ތެއްޔަށް އިތުރަށް ތެޔޮ ބޭނުންވާނަމަ އަޅައި، ފިޔާ، ކެރެޓް އަދި ސެލެރީ އަޅައިގެން 4-5 މިނެޓް ވަންދެން މީރުކުރާށެވެ. ތަރުކާރީތައް މަޑުވާން ފެށުމުން ލޮނުމެދު، އިޓަލިއަން ސީޒަނިންގް އަދި އޮރެގާނޯ އަޅައި، މީރުވަސް ދުވަންދެން ކައްކާލާށެވެ.

4 – ސޫޕް ކެއްކުން: ތެލީގެ ތެރެއަށް ބީފް ނުވަތަ ޗިކަން ސްޓޮކް އަޅާށެވެ. ބޭލީފް އަދި އަސޭމިރުސް އެއްކޮށްލާށެވެ. ތެލީގެ ފުލުގައި ހިފާފައި ހުރި ރަހަތައް ނެއްޓޭނޭހެން ރަނގަޅަށް ގަަތާލުމަށްފަހު، ސޫޕްގަނޑު ކައްކަން ފަށާށެވެ.

5 – މީޓްބޯލްސް އެޅުން: ސޫޕްގަނޑު ކެކެން ފެށުމުން ކުރިން ތެލުލި މީޓްބޯލްސްތައް އޭގެ ތެރެއަށް އަޅާށެވެ. ގިނި މަޑުކޮށްލުމަށްފަހު 10-12 މިނެޓް ވަންދެން ނުވަތަ މަސްކޮޅު އެއްކޮށް ރަނގަޅަށް ރޯފިލަންދެން ކައްކާށެވެ.

6 – ޕާސްތާ އެޅުން: ކުދި ޕާސްތާކޮޅު ސޫޕްގެ ތެރެއަށް އަޅައި، ޕެކެޓުގައިވާ އިރުޝާދާ އެއްގޮތަށް (ގާތްގަނޑަކަށް 8-10 މިނެޓް) ކައްކާށެވެ. ތެލީގެ ފުލުގައި ޕާސްތާ ނުހިފާނޭހެން ދޭތެރެއަކުން ހަލުވާލަންވާނެއެވެ.

7 – ސްޕިނެޗް އެޅުން: ފްރެޝް ސްޕިނެޗްކޮޅު ސޫޕްގެ ތެރެއަށް އަޅައި، 1-2 މިނެޓް ވަންދެން ކައްކާލާށެވެ. ބޭލީފް ސޫޕުން ނަގާށެވެ. ސޫޕްގެ ރަހަ ބަލައި، ބޭނުންވާވަރަށް ލޮނާއި ސީޒަނިންގް ހަމަކޮށްލާށެވެ.

8 – ޕާމީޒާން ޗީޒް އެޅުން: އުނދުުން ނިވާލުމަށްފަހު، ރަހަ މީރުކުރުމަށް ކުޑަ ޕާމީޒާން ޗީޒްކޮޅެއް އަޅައި ހަލުވާލާށެވެ. ކެއުމުގެ ކުރިން ދެތިން މިނެޓު ވަންދެން ސޫޕް ބަހައްޓާށެވެ.

9 – ސާވްކުރުން: ހޫނު ސޫޕް ތަށިތަކަށް އަޅާއިރު، ކޮންމެ ތަށްޓަކަށްވެސް ހަމަހަމައަށް މީޓްބޯލްސް އާއި ޕާސްތާ އަދި ތަރުކާރީ އަޅާށެވެ. މައްޗަށް ޕާމީޒާން ޗީޒް، ޕާސްލީ އަދި އަސޭމިރުސް ބުރުއްސާލާށެވެ. މިއީ ގާލިކް ބްރެޑް ނުވަތަ މީރު ޕާންކޮޅަކާއެކު ކާލަން ވަރަށް މީރު ސޫޕެކެވެ.

އިރުޝާދު:

● މީޓްބޯލްސް މަޑުކޮށް ބެހެއްޓުމަށްޓަކައި، މަސްގަނޑު މާގިނައިން މޮޑުމުގެ ބަދަލުގައި އެއްކޮށްލާ ވަރަށް މޮޑޭށެވެ.
● ސޫޕްގެ ރަހަ އިތުރަށް ފުރިހަމަކުރުމަށްޓަކައި، މީޓްބޯލްސްތައް ސޫޕަށް އެޅުމުގެ ކުރިން ތެލުލުން މުހިންމެވެ.
● މިއަށް އެންމެ އެކަށީގެންވަނީ ކުދި ޕާސްތާއެވެ.
● ސޫޕް މާ ކުރިން ތައްޔާރުކުރާނަމަ، ޕާސްތާ ވަކިން ކައްކާފައި ސާވްކުރަން އުޅޭއިރު އެއްކޮށްލާށެވެ. އޭރުން ޕާސްތާ މާބޮޑަށް މަޑުވެ ސޫޕްގަނޑު ބޯވިޔަ ނުދޭނެއެވެ.
● ސޫޕް ބާކީވެގެން ފަހުން ހޫނުކުރާއިރު، ޕާސްތާގެ ސަބަބުން ސޫޕްގަނޑު ބޯވެފައިވާނަމަ ކުޑަ ފެންކޮޅެއް ނުވަތަ ސްޓޮކްކޮޅެއް އަޅާށެވެ.