އިންޑިއާގެ މަޝްހޫރު ލަވަކިޔުންތެރިޔާ ސޯނޫ ނިގަމްގެ ލަވަތަކަށް ލޯބިކުރާ އޭނާގެ ސަޕޯޓަރުންނަށް މިވަނީ އަނެއްކާވެސް ހިތްގައިމު ލަވައެއް ހަދިޔާ ކޮށްފައެވެ.
މީގެ ތިން ދުވަސް ކުރިން ޔޫޓިއުބްގައި ރިލީޒްކުރި ”ނަ ޖާނާ ކަހީނ ދޫރް“ އަކީ ސޯނޫގެ މަޑުމައިތިރި ލަވަތަކަށް ލޯބިކުރާ ފަރާތްތަކަށް ވަރަށް ކަމުދާނެ ލަވައެއްކަން ގައިމެވެ. ވައިލްޑް ބަފަލޯސް މިއުޒިކްގެ ލޭބަލްގެ ދަށުން ސެމާލް ނިކިލްގެ މިއުޒިކަށް ތައްޔާރުކޮށްފައިވާ މި ލޯބީގެ ލަވައިގެ ޅެން ހަދައިދީފައިވަނީ ޝެންކީއެވެ.
ހިތްގައިމު މަންޒަރުތަކެއް ފެނިގެންދާ ވީޑިއޯ ލަވައިގައި ހަރަކާތްތެރިވަނީ ވަރްދަން ޕޫރީ އާއި ރިޗާ ރަވީ ސިންހާއެވެ. މީގެ އިތުރުން ރާކޭޝް ޝުކްލާ އާއި ވިނާޔަކްވެސް ވީޑިއޯއިން ފެނިގެންދެއެވެ.
ވައިލްޑް ބަފަލޯސް އެންޓަޓެއިންމެންޓުން ވީޑިއޯ ތައްޔާރުކޮށްދީފައިވާ މި ލަވަ ކޮރެއޮގްރާފްކޮށް އެޑިޓްކުރީ ޝުބަންކަރް ޖަދަވްއެވެ. ޑައިރެކްޓްކުރީ ދިވްޔަންޝް ޕަންޑިތުއެވެ. މިހާތަނަށް މި ލަވައަށް ޔޫޓިއުބުން 2 ލައްކައަށްވުރެ ގިނަ ވިއުސް ލިބިފައިވެއެވެ.
ލިޔުންތެރިޔާގެ ފުރަމަލަ
- މުނިއަވަސްގެ ޑެޕިއުޓީ އެޑިޓަރ ސާޖިދު އަކީ ވާހަކަ ލިޔުމުގެ އިތުރުން ޚަބަރު ލިޔުމުގައިވެސް ހުނަރުވެރި ލިޔުންތެރިއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 27 ޑިސެމްބަރ 2025ޚަބަރުއިން ކްލިކްސްގެ ”ލޫޓުވީ ކަލާ“ އާ އަހަރަށް
- 27 ޑިސެމްބަރ 2025ޚަބަރުތެހެރީމްގެ ”ހަމްނަވާ“ ފަށަނީ
- 26 ޑިސެމްބަރ 2025ޚަބަރުލިލީގެ ”ގިސްލާ ރޮއި“ ވަރަށް އަސަރުގަދަ
- 26 ޑިސެމްބަރ 2025ޚަބަރުޕާކިސްތާން ޑްރާމާ ”ސަޒާވާރް“ މިރޭ ފަށަނީ
