އިންޑިއާގެ ރެކޯޑިން ލޭބަލް ވިންޑިކްޓިވް ރެކޯޑްސްގެ ދަށުން އަދުހަމްގެ ތިން ވަނަ ލަވަ ”ވިންޑިކްޓިވް“ މިއަދު ރިލީޒްކޮށްފި އެވެ.
ދިވެހި ފަންނާނު އަދުހަމްގެ އެންމެ ފަހުގެ ސިންގަލް ”ވިންޑިކްޓިވް“ ރިލީޒް ކުރުމުން ވިންޑިކްޓިވް ރެކޯޑްސްގެ ފޯރި އިތުރަށް ގަދަވެއްޖެ އެވެ. އަދުހަމްގެ ހިތްގައިމު އަޑުން އަދުހަމް ކިޔާފައިވާ މި ލަވައިގެ ޅެން ހެދީ އިންޑިޔާގެ މަޝްހޫރު ޅެންވެރިޔާ އަމްރިތުޕަލް ސިންހް ޗަހާލް އެވެ. މި އަސަރުގަދަ ލަވައިން ބޭވަފާތެރިކަމުގެ ޖަޒުބާތީ ހަލަބޮލިކަމުގެ ވާހަކަތަކެއް ކިޔައިދެއެވެ. އެގޮތުން މި އިހުސާސްތަކުގެ ހިތްދަތި ވާހަކަތަކެއް ހިތްގައިމު ރާގަކާއި މިއުޒިކެއްގެ ތެރެއިން މި ޝައުޤުވެރި ލަވައިން ފެނިގެންދާނެ އެވެ.
ބައިނަލްއަގްވާމީ ލޭބަލަކާއެކު ސޮއިކުރި ފުރަތަމަ ދިވެހި މިއުޒިކީ ފަންނާނު އަދުހަމް ދަނީ ވިންޑިކްޓިވް ރެކޯޑްސްގެ ދަށުން މި ނެރުނު ލަވަޔާއެކު އާ އިތުރު ހަރުފަތަކަށް އަރަމުންނެވެ. ”ވިންޑިކްޓިވް“ އަކީ އޭނާގެ ކެރިއަރުގައި ވެސް އަދި ދިވެހި މިއުޒިކް އިންޑަސްޓްރީގައި ވެސް ފާހަގަކޮށްލެވޭނެ ލަވައެކެވެ. އެގޮތުން މި ލަވައިން އަދުހަމްގެ ޚާއްޞަ ހުނަރުތައް ދުނިޔޭގެ ބެލުންތެރިންނަށް ދައްކައިލާފައިވެ އެވެ. އެގޮތުން ލަވަ ކިޔުމުގެ އިތުރުން ލަވައިގެ ވީޑިއޯއިން މިފަހަރުވެސް އަދުހަމް ފެނިގެންދެއެވެ.
ވިންޑިކްޓިވް ރެކޯޑްސްއާ ގުޅިގެން އަދުހަމް މަސައްކަތް ކުރުމަކީ އޭނާގެ މަޤުބޫލުކަން އިތުރުވަމުން އަންނަކަމުގެ ހެއްކެކެވެ. އެގޮތުން އަދުހަމްގެ އަޑު، ދިވެހިރާއްޖޭގެ އިތުރުން ދުނިޔޭގެ އެކި ކަންކޮޅުތަކަށް މި ވަނީ ފޯރަން ފަށާފައެވެ. ”ވިންޑިކްޓިވް“ ގައި އަދުހަމްގެ އިމޯޝަނަލް ޑެލިވަރީގެ ސަބަބުން ދުނިޔޭގެ އެކި ކަންކޮޅުތަކުގައި މި ލަވަ ގުގުމާލާނެ ކަމަށް ބެލެވެ އެވެ.
”ވިންޑިކްޓިވް“ މިހާރު ސްޓްރީމިންގެ ބޮޑެތި ހުރިހާ ޕްލެޓްފޯމްތަކުން ލިބެން ހުންނާނެ އެވެ.
އަދުހަމް އަކީ ދިވެހިރާއްޖޭގެ މިއުޒިކީ ފަންނާނެކެވެ. އޭނާ އަކީ ރާއްޖޭގެ އަދި ގްލޯބަލް މިއުޒިކް މައިދާނުގައި ވެސް ވިދަމުން އަންނަ ބައިނަލްއަގުވާމީ ލޭބަލަކާއެކު ސޮއިކުރި ދިވެހި ފުރަތަމަ ފަންނާނެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 25 ޑިސެމްބަރ 2025ޚަބަރުއެމްއެފްއޭގެ ބޯޑު އެކުލަވައިލުމަށް އިލެކްޝަން ކޮމިޓީ އެކުލަވާލައިފި
- 22 ޑިސެމްބަރ 2025ޚަބަރު“އަލިފާން” އަދި “އަލްވަދާޢު” އަނެއްކާވެސް ސިނަމާއަށް!
- 21 ޑިސެމްބަރ 2025ޚަބަރު”މެރި ޒިންދަގީ ހޭ ތޫ“ އަށް ބޮޑު ރާޅެއް އަންނަން އުޅޭ ކަމުގެ އިޝާރާތެއް!
- 21 ޑިސެމްބަރ 2025ބިރުވެރިޝަމްހޫރިޝް – އެނބުރި އައުން
