ކްރިސްޓަލް އެންޓަޓެއިންމެންޓުން ގެނެސްދޭ، އަދި ދިވެހި ފިލްމީ ދާއިރާގައި މި އަހަރު އެންމެ ބޮޑު އިންތިޒާރެއް ކުރެވެމުންދާ ފިލްމު “މަޖުނޫން” ގެ ޓިކެޓް ރަސްމީކޮށް އޮލިމްޕަހުން ވިއްކަން ފަށައިފިއެވެ.
މި ފިލްމަކީ އިއުލާނު ކުރި ދުވަހުން ފެށިގެން ވެސް ގިނަ ބައެއްގެ ސަމާލުކަމާއި ތަރުހީބު ލިބެމުން އަންނަ އުފެއްދުމެކެވެ. ފިލްމުގެ ޕްރޮމޯޝަނަލް ވީޑިއޯތަކާއި ލަވަތަކަށް ބެލުންތެރިންގެ ފަރާތުން ބޮޑު ތަރުހީބެއް ލިބިފައިވާއިރު، ފިލްމު ބަލައިލުމަށް ގިނަ ބަޔަކު ދަނީ ކެތްމަދުވަމުންނެވެ.
ކްރިސްޓަލް އެންޓަޓެއިންމެންޓުން މައުލޫމާތު ދޭ ގޮތުގައި، އޮލިމްޕަހުގެ ޓިކެޓް ކައުންޓަރުން މިހާރު ފިލްމުގެ ޓިކެޓް ގަންނަން ލިބޭނެއެވެ. އަދި ބެލުންތެރިންނަށް ލުއިފަސޭހަކަމާއެކު ޓިކެޓް ބައްލަވައިގަނެވޭނެ އިންތިޒާމުތައް ވަނީ ހަމަޖައްސައިދީފައެވެ.
ފިލްމީ ދާއިރާގެ މަޝްހޫރު އަދި ހުނަރުވެރި ގިނަ ތަރިންތަކެއް ފެނިގެންދާ މި ފިލްމަކީ އަސަރުގަދަ ލޯބީގެ ވާހަކައެއްގެ މައްޗަށް ބިނާކޮށް، ފުރިހަމަ މަންޒަރުތަކަކާއެކު ތައްޔާރުކޮށްފައިވާ ފިލްމެކެވެ. ފިލްމު އެޅުވުމަށް ހަމަޖެހިފައިވާ ތާރީޚު ކައިރިވަމުން އަންނައިރު، ޓިކެޓް ވިކެމުންދާ ނިސްބަތް ވަރަށް ބާރު ކަމަށް އެ ފަރާތުން ފާހަގަކުރެއެވެ.
އެހެންކަމުން، ފިލްމު ބަލަން ބޭނުންވާ ފަރާތްތަކުން ލަސްނުކޮށް ޓިކެޓް ނެންގެވުމަށް ކްރިސްޓަލް އެންޓަޓެއިންމެންޓުން ވަނީ އިލްތިމާސްކޮށްފައެވެ.
