އިސްތަށި ފޭބުމަކީ ކޮންމެ އުމުރެއްގައި ވެސް ދެރަވާ ކަމެކެވެ. ނަމަވެސް ފުރާވަރުގެ އުމުރުގައި (14 15 16 ނުވަތަ 17 އަހަރުގައި) މިކަން ދިމާވުމަކީ ވަރަށް ބިރުގަންނަ އަދި ކަންބޮޑުވާ ކަމެކެވެ. އިސްތަށިގަނޑު ތުނިވުމާއި ނިތްކުރިމަތިން އިސްތަށި ފޭބުމަކީ އަމިއްލަ ނަފްސަށް އޮންނަ އިތުބާރު (ކޮންފިޑެންސް) ގެއްލޭ ކަމެކެވެ.

ފުރާވަރު ކުދިންގެ އިސްތަށި ފައިބަން މެދުވެރިވާ ސަބަބުތަކާއި އޭގެ ފަރުވާ އަދި އިސްތަށިގަނޑު ތުނިވުމުން ގެންގުޅެވިދާނެ ސްޓައިލްތަކަށް ބަލާލަމާ ހިނގާށެވެ.

ފުރާވަރު ކުދިންގެ އިސްތަށި ފޭބުމަށް މެދުވެރިވާ އާންމު ސަބަބުތައް

1. ހޯމޯންތަކަށް އަންނަ ބަދަލުތައް (ބާލިޣުވުން):

* ބާލިޣުވުމުގެ ތެރޭގައި ހޯމޯންތަކަށް އަންނަ ބަދަލުތަކުގެ ސަބަބުން އިސްތަށި ފަޅާ ސައިކަލްއަށް ބަދަލު އާދެއެވެ.
* މީގެ ސަބަބުން އިސްތަށިގަނޑު ތުނިވުން ނުވަތަ ބައެއް ކުދިންގެ ބޮލުން ތަންތަންކޮޅު ހުސްވުން އެކަށީގެންވެއެވެ.

2. ސްޓްރެސް އާއި ހާސްވުން:
* ސްކޫލްގެ ކަންކަމާއި އިޖުތިމާއީ ފިއްތުންތައް ނުވަތަ އަމިއްލަ ދިރިއުޅުމުގެ ކަންކަމާ ހެދި މާބޮޑަށް ފިކުރުބޮޑުވުމުން ކުއްލިއަކަށް އިސްތަށި ފޭބުން މެދުވެރިވެއެވެ.

3. ކާނާ ހަމަޔަށް ނުލިބުން:
* ހަށިގަނޑުގައި ދަގަނޑު، ޒިންކް، ބަޔޮޓިން، ޕްރޮޓީން ނުވަތަ ވިޓަމިން ޑީ މަދުވުމުން އިސްތަށިތައް ބަލިކަށިވެއެވެ.
* ކެއުމުގެ އާދަތައް ގޯސްވުމާއި ކާގަޑިތައް ދޫކޮށްލުމަކީ ފުރާވަރު ކުދިންނަށް މިކަން ދިމާވާ މައިގަނޑު އެއް ސަބަބެވެ.

4. ބޮލުގެ ހަމުގެ މައްސަލަތައް:
* ހަންފޮޅުން (ޑޭންޑްރަފް) ފަންގަލް އިންފެކްޝަން ނުވަތަ އެކްޒެމާ ފަދަ ކަންކަމުގެ ސަބަބުން ބޮލުގެ ހަންގަނޑު ދުޅަވެ އިސްތަށި ފައިބައެވެ.

5. އިސްތަށިގަނޑު ސްޓައިލްކުރުމުގައި ފަރުވާކުޑަވުން:
* އިސްތަށިގަނޑު ފަންކުރާ މެޝިން ގިނައިން ބޭނުންކުރުމާއި މާ ބާރަށް އިސްތަށިގަނޑު އައްސާފައި ބެހެއްޓުމުން އިސްތަށިތައް ބަލިކަށިވެއެވެ.

6. އެލޮޕީޝިއާ އެރިއާޓާ (Alopecia Areata):
* މިއީ ދިފާއީ ނިޒާމުން އަމިއްލައަށް އިސްތަށި ފޮލިކްލްސްތަކަށް ހަމަލާދީ ވަށްކޮށް ތަންތަންކޮޅުން އިސްތަށި ފައިބާ ބައްޔެކެވެ.

7. ވާރުތަވުން (އާއިލީ ގޮތުން):
* އާއިލާގައި މިކަން ހުންނަނަމަ ފުރާވަރުގެ ފަހުކޮޅުގައި އިސްތަށި ފައިބަން ފަށާފާނެއެވެ.

އަންހެން ކުދިންނަށް ޚާއްސަ ސަބަބުތައް

* PCOS (ޕީ.ސީ.އޯ.އެސް): އޯވަރީގައި ސިސްޓް އުފެދުމުގެ ސަބަބުން ހޯމޯންއަށް ބަދަލުއައުން.
* މައްސަރުކަންތައް ގަވާއިދުން ނުޖެހުން ނުވަތަ ބޭނުންކުރާ ބޭހެއްގެ ސަބަބުން.
* ޑްރައި ޝޭމްޕޫ އާއި ކެމިކަލް ގިނައިން ބޭނުންކުރުން.
* އަބަދު ބާރަށް ހުޅިޖަހާފައި ނުވަތަ އައްސާފައި ބެހެއްޓުން.

ފިރިހެން ކުދިންނަށް ޚާއްސަ ސަބަބުތައް

* ޓެސްޓޮސްޓެރޯން ލެވެލް މަތިވުން.
* ޖިމް ހަދާ ޒުވާނުން ހަށިގަނޑުގައި މަސްޖައްސުވަން ބޭނުންކުރާ ބައެއް ސަޕްލިމެންޓްސް ނުވަތަ ސްޓެރޮއިޑްސް.
* ފިރިހެނުންގެ އިސްތަށި ފޭބުމަށް މެދުވެރިވާ ވާރުތަވާ ސަބަބުތައް.

އިސްތަށި ފޭބުން ހުއްޓުވުމަށް ކުރެވިދާނެ ފަރުވާތައް

1. އިސްތަށި ފަޅުވާ ސީރަމް ބޭނުންކުރުން:

* ރެޑެންސިލް (Redensyl) ނުވަތަ ރޯޒްމޭރީ އެކުލެވޭ ސީރަމް ބޭނުންކުރުން. މިއީ ގަވާއިދުން 2-3 މަސް ދުވަހު ބޭނުންކުރުމުން ނަތީޖާ ފެންނަ އެއްޗެކެވެ.

2. ރަނގަޅު ޑައިޓެއް ގެންގުޅުން:

* ބިސް. ނަޓްސް. ފެހިކަން ގަދަ ފަތް އަދި އޮށް ހިމެނޭ ކާނާ ގިނައިން ކެއުން.
* ޑޮކްޓަރެއްގެ ލަފަޔާއެކު ބަޔޮޓިން، ޒިންކް ނުވަތަ މަލްޓިވިޓަމިން ބޭނުންކުރުން.

3. އިސްތަށިގަނޑު ބެލެހެއްޓުމުގެ ރަނގަޅު އާދަތައް:

* ބާރުގަދަ ކެމިކަލް ނުހުންނަ “ސަލްފޭޓް-ފްރީ” ޝޭމްޕޫ ބޭނުންކުރުން.
* ހަފްތާއަކު 2-3 ފަހަރު ބޯދޮވުން (މާ ގިނައިން ދޮވުމުން ތެޔޮކަން ގެއްލޭނެ).
* ބޯދޮންނައިރު މާ ހޫނު ފެން ބޭނުން ނުކުރުން.

4. ބޮލުގެ ހަންގަނޑު މަސާޖުކުރުން:

* ރޯޒްމޭރީ އޮއިލް ފަދަ ތެލެއް ބޭނުންކޮށްގެން މަސާޖުކުރުމުން ލޭދައުރުވުން ރަނގަޅުވެ އިސްތަށި ފެޅުމަށް އެހީވެދެއެވެ.

5. ސްޓްރެސް ކުޑަކުރުން:

* ކަސްރަތު ކުރުމާއި ރަނގަޅަށް ނިދުމަކީ ހޯމޯންތައް ހަމަޔަކަށް އެޅުވުމަށް މުހިއްމު ކަމެކެވެ.

6. ޑޮކްޓަރަށް ދެއްކުން:

* ބޮނޑިބޮނޑިއަށް އިސްތަށި ފައިބާނަމަ ނުވަތަ ބޮލުގެ ވަށައިގެން ހުސްވާނަމަ ހަމުގެ ޑޮކްޓަރަކަށް ދެއްކުން މުހިއްމެވެ.

އިސްތަށި ތުނި ކުދިންނަށް ރަނގަޅު ސްޓައިލްތައް

ފިރިހެން ކުދިންނަށް:

1. ޓެކްސްޗަރޑް ކްރޮޕް: މިއީ އިސްތަށިގަނޑު ތުނިކަން ފޮރުވައިދީ ބޯކޮށް ދައްކުވައިދޭ ސްޓައިލެކެވެ.
2. ބަޒް ކަޓް: ވަރަށް ކުރުކޮށް ކޮށާލުން. މިއީ ބެލެހެއްޓުން ފަސޭހަ ގޮތެކެވެ.
3. ސައިޑް ޕާޓް: މަތިން ތުނިނަމަ އެއްފަރާތަކަށް ފުނާ އެޅުމުން ރަނގަޅުވާނެއެވެ.

އަންހެން ކުދިންނަށް:

1. ލޭޔަރ ކަޓް: އިސްތަށިގަނޑަށް “ވޮލިއުމް” ގެނެސްދީ ބޯކޮށް ދައްކުވައިދޭނެއެވެ.
2. ދޫކޮށް ގެތުން: ބާރަށް ނުއައްސައި ދޫކޮށް ގެތުން ނުވަތަ ޕޮނީޓެއިލް ޖެހުން.
3. ބޭންގްސް (ކުރިމަތިން ކޮށުން): ނިތްކުރިމަތިން އިސްތަށި ފައިބާނަމަ މިއީ ރަނގަޅު ގޮތެކެވެ.
4. ކުރުކޮށް ކޮށާލުން (ބޮބް ކަޓް): އިސްތަށިގަނޑު ކުރުކޮށް ބެހެއްޓުމުން ތުނިކަން ފާހަގަވުން ކުޑަވާނެއެވެ.

ޑޮކްޓަރަށް ދައްކަންވީ ކޮން އިރަކު

* އުމުރުން 15 ނުވަތަ 16 އަހަރުގައި ނިތްކުރިމަތިން މާބޮޑަށް އިސްތަށި ފައިބާނަމަ.
* ބޮލުން ވަށްކޮށް ތަންތަންކޮޅު ހުސްވާނަމަ.
* ބޮލުގައި ހިރުވައި ދިލަނަގާނަމަ.

ނިންމާލުން:
ފުރާވަރުގައި އިސްތަށި ފޭބުމަކީ ވަރަށް ގިނަ ކުދިންނަށް ދިމާވާ ކަމެކެވެ. މިއީ ހައްލު ނުކުރެވޭނެ ކަމެއް ނޫނެވެ. މުހިއްމު ކަމަކީ އަވަހަށް ފިޔަވަޅު އެޅުމާއި ރަނގަޅު ކާނާ ކެއުމާއި އަދި ބޯ ބެލެހެއްޓުމެވެ. ކޮންމެ ކުއްޖަކަށް ވިޔަސް އިސްތަށިގަނޑަކީ މުހިއްމު ބައެކެވެ. ނަމަވެސް ތިބާގެ އަގު ވަޒަންކުރެވޭނީ އިސްތަށިގަނޑަކުން ނޫނެވެ. އަމިއްލަ ނަފްސަށް އަޅާލުމުން ކޮންފިޑެންސް ލިބިގެންދާނެއެވެ.

ލިޔުން ނެގީ: https://innovist.com/