މަޝްހޫރު ފްރެންޗައިޒް ޝޯ “ސްރީލަންކާސް ގޮޓް ޓެލެންޓް”ގައި ފުރަތަމަ ފަހަރަށް ދިވެހި އަމިއްލަ ރާގުގެ ލަވައެއް އިއްވާލައިފިއެވެ. “ފަރި ޕަރީ” ލަވަ ލަންކާގައި އިއްވާލާފައި ވަނީ މި ޝޯގެ ދެވަނަ ބުރަށް ފޯރާފައިވާ ދިވެހިރާއްޖެއަށް އުފަން އުމުރުން 17 އަހަރުގެ މަރިޔަމް މިސްކް އެވެ.
ދިވެހި ރަހަތަކާ ދިވެހި ހެދުމާއެކު މިސްކް ހުށައެޅި މި ލަވައަށް ޖަޖުންގެ ޝައުޤުވެރިކަން ހުއްޓިފައިވާތަން ފެނިގެންދެއެވެ.
މި މުބާރާތުގެ ފުރަތަމަ ބުރުގެ އޮޑިޝަންގައި މިސްކް ކިޔައިދިނީ “ކައިސީ ޕަހޭލީ ޒިންދަގާނީ” އެވެ. އޭނާގެ ހުށަހެޅުމަށް ފަނޑިޔާރުންގެ ފަރާތުން ތައުރީފާއި އިސްލާހުކުރަންވީ ކަންކަން ފާހަކުރުމާއެކު ދެވަނަ ބުރަށް ހޮވުނީ ޖުމްލަ ހަތަރު ފަނޑިޔާރުންގެ ތެރެއިން ތިން ފަނޑިޔާރުންގެ ވޯޓް މިސްކަށް ލިބިގެންނެވެ.
ލަންކާގައި ދިރިއުޅުމުން އަންނަ ދިވެހީންގެ ތެރެއިން ވަރަށް ގިނަ ބައެއްގެ އެހީތެރިކަމާއި ތަރުހީބު ދިވެހި ހުށައެޅުންތެރިންނަށް ލިބެމުން އަންނަކަން ފާހަގަކޮށްލެވެއެވެ.
މި އަހަރުގެ ސްރީލަންކާސް ގޮޓް ޓެލެންޓްގައި މިސްކްގެ އިތުރުން އެހެން ދިވެހި ކުއްޖަކު ވެސް ބައިވެރިވެ ހުނަރު ދައްކާލައިފައިވެއެވެ.
@muniavas ސްރީލަންކާ ގޮޓް ޓެލެންޓްގަ ފުރަތަމް ފަހަރަށް ދިވެހި ލަވައެއް #srilankagottalent ♬ original sound – MUNIAVAS
