މަޝްހޫރު ޑްރާމާ ސިލްސިލާ ‘ޔޭ ރިޝްތާ ކިޔާ ކެހްލާތާ ހޭ’ އިން ބޮޑު މަގުބޫލުކަމެއް ހޯދި އެކްޓަރު މޮހްސިން ޚާން، އޭނާގެ ބައިވެރިޔާ ތަމަންނާއާ އެންގޭޖްވިކަން ރަސްމީކޮށް އިޢުލާންކޮށްފިއެވެ. މި އުފާވެރި ޚަބަރު މޮހްސިން ހިއްސާކުރީ އޭނާގެ އިންސްޓަގްރާމް މެދުވެރިކޮށް، އެންގޭޖްމަންޓް ޙަފުލާގެ ކުރިން ނުފެންނަ ހިތްގައިމު ފޮޓޯތަކާއެކުގައެވެ.
އޭނާގެ ޕޯސްޓުގައި ބުނެފައިވާ ގޮތުން، ތަމަންނާއަކީ އޭނާގެ ހަޔާތުގެ ބައިވެރިޔާކަން ގުޅުމުގެ ކުރީކޮޅުވެސް އިޙްސާސް ކުރެވުނެވެ. އަދި ތަމަންނާއާ ބައްދަލުވުމަކީ ނަސީބެއް ކަމަށާއި، ދެ އާއިލާގެ ފުރިހަމަ ރުހުމާއި ލޯބި މި ގުޅުމަށް ލިބިފައިވާކަން އޭނާ ފާހަގަކުރިއެވެ. މުހްސިންގެ ބައިވެރިޔާ ތަމަންނާއަކީ މުނިފޫހިފިލުވުމުގެ ދާއިރާއަށް ނިސްބަތްވާ މީހެއް ނޫނެވެ. މިއީ ‘ސްޓާ ޕްލަސް’ ގެ މަޝްހޫރު ސިލްސިލާއިން ވަކިވި ފަހުން މޮހްސިން އޭނާގެ ޒާތީ ދިރިއުޅުމުގެ ގުޅުމެއް އާންމުކޮށް ހާމަކުރި ފުރަތަމަ ފަހަރެވެ.
View this post on Instagram
މޮހްސިން އިންސްޓަގްރާމް ޕޯސްޓުގައި ލިޔެފައިވެއެވެ:
“اللهم بارك. ޔާ ﷲ، މި މަޖާ، ރީތި، އިތުބާރު ހުރި އަދި ނާޒުކު އަންހެން ކުއްޖާ – އަބަދު ހީނލާ، މަޖާކޮށް، އުންމީދުކޮށް އަދި ދުޢާކުރާ، އަބަދު ނަށާ އަދި ލަވަކިޔާ މި ކުއްޖާއަކީ އަހަންނަށްޓަކައި އުޑުގައި ލިޔެވިފައިވާ ބައިވެރިޔާ އެވެ.
ފުރަތަމަ ފަހަރަށް އެކަކު އަނެކަކަށް ބަލައިލި ވަގުތުން ފެށިގެން، ފުރަތަމަ ފަހަރަށް އަތުގައި ހިފާލި ވަގުތާއި، އަދި ފުރަތަމަ ފަހަރަށް ‘ހަމް ތޯ ބާއީ ޖައިސޭ ހޭ ވައިސޭ ރަހޭންގޭ’ މި ލަވަ ކިޔައިދިން ވަގުތުވެސް، އަހަރެންގެ ހިތަށް ބަޔާންކުރަން ނޭނގޭ ހަމަޖެހުމެއް ލިބި، މިއީ އަހަރެންގެ ‘މީހާ’ ކަން ޔަގީންވިއެވެ.
އަބަދުވެސް އަޑުއަހަމެވެ؛ އުމުރަށް އެކުގައި އުޅޭނެ ބައިވެރިޔާ ދިމާވުމުން، އެއީ ތިމާގެ ދިރިއުޅުމުގައި ނިންމާނެ އެންމެ ފަސޭހަ، އެހެނަސް އެންމެ މުހިންމު ނިންމުމަށް ވާނެއެވެ. ފަހަރެއްގައި އަހަރެމެންގެ ވާހަކައަކީ ކުރިންވެސް ލިޔެވިފައިވާ ވާހަކައަކަށް ވެދާނެއެވެ. ނުވަތަ ދިރިއުޅުމުގައި އެއްފަހަރު ނަމަވެސް، ދެމީހަކު ބައްދަލުވާންޖެހޭ ސީދާ ވަގުތުގައި ބައްދަލުވީއެވެ.
ލޯތްބާއި ރަހުމަތްތެރިކަމުން ފުރިގެންވާ އާ ދަތުރެއް އަހަރެމެން ފަށާއިރު، ލޯބިވާ ތަމަންނާ އެންމެ ގަޔާވާ ފިލްމުގެ ޖުމްލައެއް ހަނދާންކޮށްލާނަމެވެ: ‘ލޯތްބަކީ ކޮބައިކަމެއް އަހަންނަކަށް ނޭނގެއެވެ. އެކަމަކު ހިތުގެ އަޑިން ކުރެވޭ ދުޢާއަކީ، އޭނާގެ ލޮލުން ދުވަހަކުވެސް ކަރުނައެއް ނޭޅުމެވެ. އަބަދުވެސް ހިނިތުންވެފައި ހުރުމެވެ. މިއަށް ކިޔަނީ ލޯބި ކަމަށްވާނަމަ، މިއީ ލޯތްބެވެ.’
އަހަރެމެން ވެފައިވާ ވަޢުދުތަކާއި އަދި ދެކެން ހުރި ހުވަފެންތަކުގެ ތެރެއިންވެސް އެންމެ ރީތި ކަމަކީ، އެކަކު އަނެކަކުގެ ފަރާތުން ހިތްހަމަޖެހުމާއި އަމާންކަން ލިބުމެވެ.
އަހަރެމެންގެ މި އާ ފެށުމަށެވެ.”
