އެކްޓަރ، ޕްރޮޑިއުސަރ މުޙައްމަދު އަފްރާހް ޙަސަން މަރުވެފައި އޮއްވާ ފެނިއްޖެއެވެ. އަފްރާހް ނިޔާވެފައި އޮއްވާ ފެނުނީ މިއަދު ހެނދުނު ނިދާ ނުތެދުވެގެން އޭނާއަށް ގޮވަން ދިޔައިރު އެވެ. އެއީ ހެނދުނު 11:00 އެހާކަށްހާ އިރު އެވެ.
އަފްރާހްގެ ހަށިގަނޑު އައިޖީއެމްއެޗަށް ގެންދިޔައިރު ވެސް އޭނާ އޮތީ ނިޔާވެފައި ކަމަށް މަޢުލޫމާތު ލިބެއެވެ.
ތ. ތިމަރަފުއްޓަން އުފަން އަފްރާހް ވަނީ 90 ގެ އަހަރުތަކާއި 2000 ގެ ކުރީކޮޅާ ހަމައަށް ފިލްމުތަކާއި ޑްރާމާތަކުގައި ސައިޑް ރޯލްތަކެއް ކުޅެފަ އެވެ. ފިލްމީ މަސައްކަތާ އަފްރާހް ދުރަށް ޖެހުނީ ކައިވެނިކުރި ފަހުންނެވެ.
ދާދި ފަހުން ރިލީޒްކުރި ފިލްމު ”ލޯތްބަށްޓަކައި“ ޕްރޮޑިއުސްކުރި އަފްރާހަކީ ސްލޭމް ސްޓޫޑިއޯގެ ގިނަ ފިލްމުތަކެއްގައި އެކްޓްކުރި ފަންނާނެކެވެ. މީގެ އިތުރުން ގިނަ ފިލްމުތަކެއް އުފެއްދުމުގައި ފިލްމު ކްރޫތަކުގައިވެސް ހަރަކާތްތެރިވި ފަންނާނެކެވެ.
އަފްރާހް އެކްޓްކުރި ފިލްމުތަކުގެ ތެރޭގައި ބިރުވެރި ފިލްމު ”ޖިންނި“ ފާހަގަކޮށްލެވެ އެވެ.
އުމުރުން 45 އަހަރުގެ އަފްރާހްގެ ކަށުނަމާދު މިރޭ އިޝާ ނަމާދަށްފަހު އާސަހަރާ މިސްކިތުގައި އޮންނާނެ އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 25 ޑިސެމްބަރ 2025ޚަބަރުއެމްއެފްއޭގެ ބޯޑު އެކުލަވައިލުމަށް އިލެކްޝަން ކޮމިޓީ އެކުލަވާލައިފި
- 22 ޑިސެމްބަރ 2025ޚަބަރު“އަލިފާން” އަދި “އަލްވަދާޢު” އަނެއްކާވެސް ސިނަމާއަށް!
- 21 ޑިސެމްބަރ 2025ޚަބަރު”މެރި ޒިންދަގީ ހޭ ތޫ“ އަށް ބޮޑު ރާޅެއް އަންނަން އުޅޭ ކަމުގެ އިޝާރާތެއް!
- 21 ޑިސެމްބަރ 2025ބިރުވެރިޝަމްހޫރިޝް – އެނބުރި އައުން
