މުޙައްމަދު އާސިފް (މޮންދު)ގެ އަމިއްލަ ސްޓޫޑިއޯގައި ކުރިއަށް ގެންދާ “ޓޯކް ޝޯ މޮންދު”ގެ ދެވަނަ އެޕިސޯޑް މިއަދު ދައްކާފައިވާއިރު، މިއަދުގެ އެޕިސޯޑަކީވެސް ވަރަށް ޝަޢުޤުވެރި ޕްރޮގްރާމެއްކަން ފާހަގަކޮށްލެވެއެވެ.
މިއަދުގެ ޝޯ ފެށިގެން ދިޔައީ 2004 ވަނަ އަހަރު ސުނާމީ ކާރިސާގެ ހިތްދަތި މަންޒަރުތަކާއި އަޑުތައް ދައްކައިދޭ ވީޑިއޯ ކްލިޕަކުންނެވެ. އެއަށްފަހު ޝޯ ފެށިގެން ދިޔައީ އެ ވީޑިއޯއާމެދު މޮންދު ދެއްވި ފުރިހަމަ ތަޢާރަފަކުންނެވެ. އޭގެ ފަހުން މިއަދުގެ ޕްރޮގްރާމުގެ މެހެމާނުންގެ ތަޢާރަފަކަށް ޖެހިލިއެވެ.
މިއަދުގެ ޕްރޮގްރާމުގައި ބައިވެރިކޮށްފައި ވަނީ ރޭޑިއޯ ބްރޯޑްކާސްޓިންގައި އެންމެ ފާހަގަކޮށްލެވޭ މޫނުތަކެކޭ ދެންނެވިޔަސް ދޮގަކަށް ނުވާނެ ފަދަ ކުޅަދާނަ ޕްރެޒެންޓަރުން ތަކެކެވެ. އެގޮތުން މުޙައްމަދު ޝާކިރު، މުޙައްމަދު ރަމީޒް، މުޙައްމަދު ޒަހީން އަދި މިޒްނާގެ ކުރު ތަޢާރަފެއް ދިނުމަށްފަހު ރޭޑިއޯ ބްރޯޑްކާސްޓިން މިހާރު ގޮސްފައިވާ ހިސާބާ މެދު ވާހަކަތައް ދެކެވުނެވެ.
ކަޓް ސްވިޗަކުން، ހަތަރު ވަރަކަށް ކެމެރާ ކޮންޓްރޯލު ކުރަމުން މޮންދު މި ޕްރޮގްރާމު ގެނެސްދޭ ގޮތަކީ ހަމަ ގައިމުވެސް ތަޢުރީފު ހައްޤު ކަމެކެވެ.
“ޓޯކް ޝޯ މޮންދު”ގެ ދެވަނަ ޝޯ ވެސް ބަލައިލުމުން މެނުވީ ހަމަ ގައިމުވެސް މި ޝޯގެ ރާހަތެއް ނުކުރާނެއެވެ. މިއަދުގެ ޝޯގައި މައިގަނޑު ގޮތެއްގައި އަލިއަޅުވާލާފައި ވަނީ މީގެ 16 ވަރަކަށް އަހަރުކުރިން ކުރިމަތިވި ސުނާމީ ކާރިސާގައި ދިވެހިރާއްޖޭގެ އަޑުން ކުރި މަސައްކަތްތަކުގައި މިއަދުގެ މެހެމާނުން ކުރި ބުރަ މަސައްކަތްތަކުގެ ވާހަކަތަކަށެވެ.
